NUNAOIL A/S

NUNAOIL A/S tassaavoq Kalaallit Nunaanni inuiaqatigiit uuliasiornermik ingerlatseqatigiiffiutaat (NOC) Kalaallillu Nunaanni uuliasiornernut iluaqutiginninnermullu akuersissutini tamani pimoorullugu peqataalluni. Taamaammat ingerlatseqatigiiffik Kalaallit Nunaata avataani imartani uuliasiornermik annertuumik ilisimasaqarpoq. NUNAOIL uuliasiornermut akuersissutini Namminersorlutik Oqartussat sinnerlugit peqataavoq, nunallu tamat akornanni uuliasiornermik ingerlatseqatigiiffinnik arlaqartunik,

Kalaallit Nunaanni aningaasarsiutaasinnaasunik uuliamik gasimillu qinerlernermi, suleqateqarluni. Kalaallit Nunaanni ikummatissanut akuersissutini tamani akiagaasutut peqataasutut NUNAOIL akuersissutini peqataasunut allanut naligititaalluni peqataavoq. NUNAOIL-imik akiaaneq isumaqarpoq,ingerlatseqatigiiffiit peqataasut allat ingerlatseqatigiiffiup uuliasiornerup nalaani aningaasartuutai akilertaraat. Ingerlatseqatigiiffiup akuersissutini piginneqataanera 8 %-imiit sumiiffinni ”matu ammasoq”-mi 12,5 %-imut akuersissutit sinnerini annertussuseqarpoq. Tamatumuuna aningaasatigut ajutooruteqarsinnaaneq, minnerulersinneqarpoq uukiasiornerup ingerlanneqarnerani. Akuersissutini pimoorussineq peqataasutulli allatut, nunat tamat akornanni uuliasiornermik ingerlatsivittut angisuututippoq,taamaattumillu aamma ingerlatseqatigiiffiup teknikkimut geologiimullu, inatsisit aningaasaqarnikkullu periutsinut tunngasutigut, ilisimasat suliallu qanoq ingerlanneqarnissaannik ilisimasat ilisimalluarneqalernissaat suliniutigaa.

NUNAOIL Kalaallit Nunaanni ingerlatseqatigiiffinnit kisiartaalluni akuersissutsini tamani pissutsinik qanimut ilisimasaqartuullunilu paasisimasaqarluartuuvoq, tamannalu annertuumik akisussaassusiillunilu ingerlatseqatigiiffimmut tamatumuunalu kalaallit inuiaqatigiinnut pingaaruteqartumik iluaqutissiilluni. Sumiiffinni nunallu immikkoortuini geologiimik ilisimasaqarneq nunap ataanik siunissamilu uuliaqarsinnaanermut periarfissaqarneranik paasinnissinnaanermut pingaaruteqarpoq.

THE ONLY NATIONAL OIL COMPANY ONLY IN THE ARCTIC

On behalf of the Greenland Self-Government NUNAOIL participates in every license in Greenland.

Carries out open acreage evaluations and prospect assessments.

Strong focus on mitigating exploration, physical and logistic risks especially by the use of technology and building alliances.