ISUMALLUUTINIK NALILIINEQ

NUNAOIL-ip 2018-imi pisuussutinik naliliinermut suliniut annertooq, Kalaallit Nunaanni sumiiffinnik misissuiffiginissaat periarfissaqarfiunerpaasunik tikkuaanissamik siunertaqartoq, aallartippaa. Suliniummi Kalaallit Nunaani - nunami aamma imaani - suliassaqarfiit uuliasiorluni/gassisiorluni misissuinermut attuumassuteqartut tamarmik ilanngunneqarput. Siusinnerusukkut taamaaliortoqarsimanngisannarpoq.

Sumiiffiit 7-it (AU 1 - AU 7) katillugu 2.400.000 km2-inik ataatsimoortumik nunaminertaqartut naliliiffigineqassapput:

AU 1: Davis Stræde aamma Labradorip Imartaa
AU 2: Baffin Bugt
AU 3: Qeqertarsuup Tunuata Kitaata avataa aamma Qeqertarsuarmi-Nuussuarmi nunami
AU 4: Tunup qiterpasissortaa
AU 5: Tunup Avannaarsua
AU 6: Tunup kujataa
AU 7: Kalaallit Nunaata avannaa

Suliniutip inerneri tamanit pissarsiarineqarsinnaasunngortinneqassapput aammalu ukiumit 3,5-init paasisat suliniutip sivisussuserisassaata ingerlaneranni pigineqalertarneri ilutigalugu tamanut saqqummersinneqartassallutik. Norge-mi Oljedirektorat inernerinut QC suliarissavaa.

Suliniut ujarassiuut Inuussutissarsiornermut Nukissiuuteqarnermullu Naalakkersuisoqarfimmeersut, De Nationale Geologiske Undersøgelser for Danmark og Grønland (GEUS)-imeersut kiisalu suleqatigisartakkat avataaneersut allat qanimut suleqatigalugit ingerlanneqassaaq, NUNAOIL suliniummut aqutsisuussalluni.

Suliniummi ujarassiornermiilisimasat nutaanerpaat aammalu paasissutissarpassuit nalunaarsukkat ukiut ingerlaneranni misissuinernut atatillugu pissarsiarineqarsimasut, aallaavigineqarput. Taamaalilluni suliniummi ujarassiornermut ilisimasat tamarmik, Kalaallit Nunaanni uuliamik/gassimik pisuussutit pillugit kalaallit aamma danskit tungaanniit pigineqartut, ilaatinneqarput, tamannalu asseqanngilluinnarpoq.

Pisuussutinik naliliinermut suliniut pingaartumik NUNAOIL-imi aningaasassanit pioreersunit aningaasalersorneqarpoq – taaneqartartut KANUMAS-imi aningaasaatit, ukiut ingerlaneranni piffissami 1991-1994-imi sajuppillatsitsisarluni paasissutissanik NUNAOIL suliaqartuulluni KANUMAS-imi suleqatigiinnit katersorneqarsimasunik tuniniaaneq aqqutigalugu katersorneqarsimasut. KANUMAS-imi aningaasaatit suliniutinut uuliasiornermut/gassisiornermut tunngassuteqartunut, matumatut ittunorpiaq, tunngassuteqartinneqarput.

ISSITTUMI NUNAMI NAMMINERMI UULIASIORFIUTILE- QATIGIIFFINNIT KISIARTAASOQ


NUNAOIL A/S Kalaallit Nunaanni uuliasiorfiutileqatigiiffiit annersaraat.

Kalaallit Nunaata nunavittaani misissuinissamut qalluinissamullu pisinnaatitsissutini Namminersorlutik Oqartussat peqataanerat isumagisaraarput.

Pisinnaatitsissutit akimorlugit suleqatigiinneq ataqatigiissaarinerlu ingerlataraarput.

Pisinnaatitsissutini suliaqarnitsinni misissuinerup isumannaallisaanermut avatangiisinullu mianerinnittumik kiisalu Kalaallit Nunaata uuliaqarsinnaaneranik/gasseqarsinnaaneranik misissuisoqarnera sapinngisamik pitsaanerpaamik mianeralugu sapinngisamik annertunerpaamik ingerlanneqarnissaata qulakkeernissaa, pingaartumik aallupparput.