Nutaarsiassat
Kalaallit Nunaanni isumalluutinik naliliinermut suliniutip inerneri siulliit maannakkut tamanut saqqummiunneqarnissamut piareerput
De Nationale Geologiske Undersøgelser for Danmark og Grønland (GEUS) aamma Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfik suleqatigalugit Kalaallit Nunaanni isumalluutinik naliliinermut suliniut NUNAOIL-ip 2018-imi aallartippaa. Suliniummut siunertaavoq play-nut misissueqqissaarnermik, play risk misissueqqissaarnermik aamma sumiiffinni 7-ini (AU1-AU7) katillugu 2,4 mio. km2 -init annertunerusumik nunaminertaqartuni isumalluutinik naliliinissaq. Tulleriissaartumik periaaseqarluni aallaaveqarnermi imartanik tamaginnik tamakkiisumik naliliinissaq qulakkeerneqarpoq, tassani paasisat tamarmik pisinnaatitsissutinut neqeroortitsinissap tungaanut uuliasiorfiutileqatigiiffinnit pissarsiarineqarsinnaasunngortinneqassallutik.
Ikersuaq Davis-imit – Labradorip imartaanit, sumiiffinni misissueqqissaarfigineqartuni siullersaasumit (AU1) paasisat tamanut saqqummiunnissaannut maannakkut piareerpugut. Play annertussusaanni sisamani misissueqqissaartoqarpoq 5.550 MMBOE-nut (risked recoverable) missingersorneqartunik. Inernerinut paasissutissat nalunaarsukkat pissarsiarineqarsinnaasut katersorneqarsimasut aammalu ingerlatseqatigiiffinnit, GEUS-imit, NUNAOIL-imit aamma Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfimmit nassuiarneqartut tamarmik, aallaavigineqarput.
Inernerinut tunngaviusup periaatsip sukumiisumik nassuiaatai kiisalu ArcGIS/Player-imut suliniut, uuliasiorfiutileqatigiiffinnit soqutiginnittunit pissarsiarineqarsinnaasut aammalu akeqanngitsumik aaneqarsinnaasut, suliniummut nittartakkamiipput https://greenland-resource-assessment.gl/.
Suliniummi suleqatigiit tamaasa sinnerlugit,
Signe Ulfeldt Hede
Pisortaaneq
NUNAOIL A/S
ISSITTUMI NUNAMI NAMMINERMI UULIASIORFIUTILE- QATIGIIFINNIT KISIARTAASOQ
NUNAOIL A/S Kalaallit Nunaanni uuliasiorfiutileqatigiiffiit annersaraat.
Kalaallit Nunaata nunavittaani misissuinissamut qalluinissamullu pisinnaatitsissutini Namminersorlutik Oqartussat peqataanerat isumagisaraarput.
Pisinnaatitsissutit akimorlugit suleqatigiinneq ataqatigiissaarinerlu ingerlataraarput.
Pisinnaatitsissutini suliaqarnitsinni misissuinerup isumannaallisaanermut avatangiisinullu mianerinnittumik kiisalu Kalaallit Nunaata uuliaqarsinnaaneranik/gasseqarsinnaaneranik misissuisoqarnera sapinngisamik pitsaanerpaamik mianeralugu sapinngisamik annertunerpaamik ingerlanneqarnissaata qulakkeernissaa, pingaartumik aallupparput.