Matu ammaannartup iluani akuersissutissiineq

Imartat

Kitaani imartaq ikummatissanik misissueqqissaarnermut qalluinissamullu Matu Ammaannartoq tunngavigalugu neqeroorutigineqartoq allorniusap sanimukaartup 63 ° 00 'N kujataani allorniusallu ammukaartup 42 ° kitaani inissisimavoq. Neqeroorutigineqartup Kalaallit Nunaata isuata kangiatungaaniittup 60° 00 'N avannamut killeqarfigaa. Kalaallit Nunaanni imaani basislinie-p iluani qinnuteqartoqarsinnaanngilaq.

Nunaminertat

Matu ammaannartup iluani nunaminertat ikummatissanik misissueqqissaarnermut qalluinissamullu neqeroorutigineqartut Tunumi Jameson Landimi inissisimapput, imatullu killilersorneqarsimallutik:

1: 71°45'N, 25°00'W

2: 71°45'N, 22°20'W

3: 70°25'N, 22°20'W

4: 70°25'N, 25°00'W

Matu ammaannartup iluani qinnuteqarnissamut kajumissaarut uani aaneqarsinnaavoq.

Annertunerusumik paasissutissanik pissarserusukkuit saaffigiuk:

Kalaallit Nunaanni Namminersorlutik Oqartussat
Aatsitassanut Ikummatissanullu Pisortaqarfik
Postboks 930
3900 Nuuk
Oqarasuaat: +299 34 68 00
Fax: +299 32 43 02
E-mail: bmp[at]gh[dot]gl
Web: www.bmp.gl

Imartat nunaminertallu Matup ammaannartup iluani neqeroorutigineqartut nunap assingani uani takutinneqarsimapput.

NUNAOIL


NUNAOIL A/S Kalaallit Nunaanni uuliasiorfiutileqatigiiffiit annersaraat.

Kalaallit Nunaata nunavittaani misissuinissamut qalluinissamullu pisinnaatitsissutini Namminersorlutik Oqartussat peqataanerat isumagisaraarput.

Pisinnaatitsissutit akimorlugit suleqatigiinneq ataqatigiissaarinerlu ingerlataraarput.

Pisinnaatitsissutini suliaqarnitsinni misissuinerup isumannaallisaanermut avatangiisinullu mianerinnittumik kiisalu Kalaallit Nunaata uuliaqarsinnaaneranik/gasseqarsinnaaneranik misissuisoqarnera sapinngisamik pitsaanerpaamik mianeralugu sapinngisamik annertunerpaamik ingerlanneqarnissaata qulakkeernissaa, pingaartumik aallupparput.